العجب العجيب العجاب (2)
قانون مكافحة الارهاب
من العجب العجيب العجاب ان تقوم كل هذه الثورة الشعبيه على الحكومه وعملها على التغيرات الدستوريه الجديده وخاصة قانون مكافحة الارهاب وكأن الحكومة تضطهد الشعب دون ان يفكر شخص واحد فى دوافع الحكومه لاصدار مثل هذا القانون وجعله جزء من الدستور .
وصراحة ما يحدث الان يجعلنى اعتقد ان الشعب المصرى بيجى على الهايفه ويتصدر خاصة ان كل المواد المعدله يجب الاعتراض عليها علشان حتودينا فى داهيه اشمعنا الماده دى بالذات يعنى هى اللى تعمل قلق .
أولا وبنظره بسيطه جدا من اى شخص يستطيع ان يفهم اسباب الحكومه فى إصدار مثل هذا القانون وهما سببان اساسان
1 / أن الشعب المصرى اصلا شعب مكافح من ايام بناء الهرم والهكسوس والمماليك والتتار وحرب 48 و 56 و67 و 73 لحد كفاح منتخبنا للوصول لكاس العالم وكفاح عم محمد علشان يجيب أكل عياله لكن عمر ما كانت عندنا حكومه مكافحة لاننا ما نقدرش نعتبر كفاح الحكومات علشان تفضل فى الحكم ده كفاح ( واعتقد ان ده انسب وقت علشان تكون عندنا حكومه مكافحة خاصة يعد حالة الاستقرار العظيمه حتى لو كفحتنا احنا )
2 / ان التعديل لازم يكون دستورى وذو شرعيه حتى لا يتكرر فشل الكفاح الاخير للحكومه فى مكافحة دودة القطن لدرجة اختفاء القطن المصرى فى السنوات الاخيرة على الرغم من نجاح شركات قطاع الخاص فى المكافحة للحشرات فى الفنادق والشركات
3 / وده سبب لا نستطيع ان نعتبره اساسى ولكنه مؤثر ان الريس من يوم ما نجح وهو قاعد فاضى ولا بنسمع له حس على رغم من العبارات اللى بتغرق والناس اللى بتتخطف واللى بيوتها بتولع وتتحرق واصحبها يضربوا بالغازات المسيله للدموع والقطرات اللى بتدخل فى بعضهاوالوضع العربى المتنيل بستين نيله لكن المثل عندنا بيقول ( الايد البطاله ....إيه )
واعتقد ان هذه الاسباب منطقيه جدا تجعلنا نتعاطف مع الحزب والحكومه والمجلس ولا ينتابنا هذه الهواجس الغريبه من عودة زوار الليل والعسكرى والأسود والمعتقلات فلا يوجد سبب منطقى فى ذلك فالحكومه لن تضطهد الشعب طبعا واصلا تم خلق هذا القانون للقضاء على هذه الظواهر وضمان عدم عودتها مهما كان تعسف الحكومات فهذه الظواهر اصلا ظهرت فى ظل الاحكام العرفيه وقانون الطوارئ بالتالى كان لازم تكون فى الضلمه انما دلوقتى الموضوع دستورى فليه يسهروا لبليل ما يخلصوا شغلهم الصبح احسن وكمان العسكرى الاسود حيلبسوه ابيض فى ابيض ويعقموه كمان لانه حيبقى وجهه للحكومه وكمان علشان يعمل فيك اللى هو عاوزه من غير ما يتعدى لا بألفنونزا طيور ولا فيرس سى او حتى ايدز وكمان المعتقلات زمان كان فى وقت يعملوا فرز دا حرامى ودا سياسى شوف بقى الفرق بين عدد الشعب دلوقتى وزمان اكيد مش حيبقوا فضين ينقوا اللى يتمسك على السجن على طول ودى ميزه جايز يحصل لخبطه وربنا يكرمك وتشيل ومخدرات بدل ارهاب .
واساسا لا يوجد اى سبب للاعتراض على ان القانون لم يقوم بتعريف الارهابى لانه عيب علينا كشعب بقلنا 27 سنه بنكافح فى الارهاب ولسه عوزين حد يعرفنا يعنى ايه ارهابى وكمان احنا كشعب مسلم دينا اصلا بيقولنا اتقوا الشبهات فخلاص نتقيها .
يعنى متخليش اى حاجه عندك ينفع يتقال عليها انها متفجرات ما فيش غاز طبيعى وعندك انبوبة بوتجاز بعها واستحمل سنتين او 3 من غير طبيخ لحد ما يدخلوا الغاز خايف من انفجار المصران الاعور ليقولوا عليك ارهابى اعمل عمليه وشيله دا حته ملوش لزمه خايف من مراتك لا يجلها انفجار فى الرحم خليها تستأصله ولو مرضيتش طلقها دا حتى محلاها عيشت الحريه ومتقلقش من انفجار المخ لانك فى الحالة دى حتكون مت او اتشليت لو مت ماحدش حيعرف يعملك حاجه ولو اتشليت حتى لو عملوا مش حتحس .
واحلق دقنك وربى شعرك ولو اقرع اضربلك ايس كاب فوشيه ولو عندك عربيه الزق عليها صورة بنت عريانه واقفه عامله كده واصطاد كل يوم مزه من قدام البوكس ولو مش عاوز تغلط نزلها فى اخر الشارع فى حته ضلمه من غير ما حد يشوفك وافضل قاعد فى العربيه سعتين او تلاته .
ولو مراتك محجبه قلعها الحجاب وخليها تضرب شعرها اصفر وتوقفه اسبايكى على منى جيب وبلوز كات وامشى بيها للقهوة اللى على النصيه وشيشوا مع بعض دا حتى كده حتبقى ست روشه
بس اوعى تاخد بالك من كلام الناس .
عاوز تعلم عيالك الدين والقرآن حقك محدش قلك لاء بس برضه حفظهم اغانى سعد الصغير وخلى بنتك تضرب هاف استومك على مايكرو جيب وتظبتلها بوى فريند والواد يشرب بانجو علشان ماحدش ياخد عليك حاجه .
قلقان من مراقبة التلفونات والشقق ما تتكلمش فى التلفون خايف لا يكونوا حطين كميرات فى اودة النوم عادى جدا خد مراتك واطلع بيها على مرينا على البحر وأعمل اللى انت عاوزه ولو فقير روح راس البر ولا بلطيم مهما مش معقول حيصوروا البحر كمان ولو مش لاقى تاكل خدها وروح تحت كوبرى 6 اكتوبر عند نزلت الزمالك بليل فى الضلمه وما تقلقش من بوليس الادب علشان البوليس مش فاضى يا عم دا وراه 80 مليون حيراقبهم حيفضالك انتى وهى يعنى ولو حتى جه اجرى اهه حتى ترجع لايام الشقاوه وتجددوا حبكم وجايز تاخد شوية برد يقلبوا بنزله معويه ولا سل بس عادى دا قضاء ربنا .
بعد كده مش حتلاقى الا شوية حجات عاديه زى انك لا تكلم سواق التاكسى ولا سواق الميكروباص ولا بتاع الخضار ولا بتاع اللبن ولا الجزار ولا حتى بتاع النور ولا مراتك ولا عيلك ولا ابوك ولا امك ولا تقول لاى حد اى حاجه لاحسنع من بتوع المكافحه ويفهموا كلامك غلط فا متلقيش نفسك .
اقولك على حاجة اسهل اترهبن او هاجر.
لكن فعلا كل ما يحدث الان لا يدل الا اننا شعب بيجى على الهايفه ويتصدر ولا يحاول ان يبذل اى مجهود لمساعدة الحكومه على تصحيح اوضاعه لان بصراحه المواضيع كلها هايفه وسهله ولا تستحق كل الهيصه والاعتراض ده لكننا شعب اعتاد ان يكون بلا قانون ولا حتى يحاول ان يحترمه
26/03/2007
قانون مكافحة الارهاب
من العجب العجيب العجاب ان تقوم كل هذه الثورة الشعبيه على الحكومه وعملها على التغيرات الدستوريه الجديده وخاصة قانون مكافحة الارهاب وكأن الحكومة تضطهد الشعب دون ان يفكر شخص واحد فى دوافع الحكومه لاصدار مثل هذا القانون وجعله جزء من الدستور .
وصراحة ما يحدث الان يجعلنى اعتقد ان الشعب المصرى بيجى على الهايفه ويتصدر خاصة ان كل المواد المعدله يجب الاعتراض عليها علشان حتودينا فى داهيه اشمعنا الماده دى بالذات يعنى هى اللى تعمل قلق .
أولا وبنظره بسيطه جدا من اى شخص يستطيع ان يفهم اسباب الحكومه فى إصدار مثل هذا القانون وهما سببان اساسان
1 / أن الشعب المصرى اصلا شعب مكافح من ايام بناء الهرم والهكسوس والمماليك والتتار وحرب 48 و 56 و67 و 73 لحد كفاح منتخبنا للوصول لكاس العالم وكفاح عم محمد علشان يجيب أكل عياله لكن عمر ما كانت عندنا حكومه مكافحة لاننا ما نقدرش نعتبر كفاح الحكومات علشان تفضل فى الحكم ده كفاح ( واعتقد ان ده انسب وقت علشان تكون عندنا حكومه مكافحة خاصة يعد حالة الاستقرار العظيمه حتى لو كفحتنا احنا )
2 / ان التعديل لازم يكون دستورى وذو شرعيه حتى لا يتكرر فشل الكفاح الاخير للحكومه فى مكافحة دودة القطن لدرجة اختفاء القطن المصرى فى السنوات الاخيرة على الرغم من نجاح شركات قطاع الخاص فى المكافحة للحشرات فى الفنادق والشركات
3 / وده سبب لا نستطيع ان نعتبره اساسى ولكنه مؤثر ان الريس من يوم ما نجح وهو قاعد فاضى ولا بنسمع له حس على رغم من العبارات اللى بتغرق والناس اللى بتتخطف واللى بيوتها بتولع وتتحرق واصحبها يضربوا بالغازات المسيله للدموع والقطرات اللى بتدخل فى بعضهاوالوضع العربى المتنيل بستين نيله لكن المثل عندنا بيقول ( الايد البطاله ....إيه )
واعتقد ان هذه الاسباب منطقيه جدا تجعلنا نتعاطف مع الحزب والحكومه والمجلس ولا ينتابنا هذه الهواجس الغريبه من عودة زوار الليل والعسكرى والأسود والمعتقلات فلا يوجد سبب منطقى فى ذلك فالحكومه لن تضطهد الشعب طبعا واصلا تم خلق هذا القانون للقضاء على هذه الظواهر وضمان عدم عودتها مهما كان تعسف الحكومات فهذه الظواهر اصلا ظهرت فى ظل الاحكام العرفيه وقانون الطوارئ بالتالى كان لازم تكون فى الضلمه انما دلوقتى الموضوع دستورى فليه يسهروا لبليل ما يخلصوا شغلهم الصبح احسن وكمان العسكرى الاسود حيلبسوه ابيض فى ابيض ويعقموه كمان لانه حيبقى وجهه للحكومه وكمان علشان يعمل فيك اللى هو عاوزه من غير ما يتعدى لا بألفنونزا طيور ولا فيرس سى او حتى ايدز وكمان المعتقلات زمان كان فى وقت يعملوا فرز دا حرامى ودا سياسى شوف بقى الفرق بين عدد الشعب دلوقتى وزمان اكيد مش حيبقوا فضين ينقوا اللى يتمسك على السجن على طول ودى ميزه جايز يحصل لخبطه وربنا يكرمك وتشيل ومخدرات بدل ارهاب .
واساسا لا يوجد اى سبب للاعتراض على ان القانون لم يقوم بتعريف الارهابى لانه عيب علينا كشعب بقلنا 27 سنه بنكافح فى الارهاب ولسه عوزين حد يعرفنا يعنى ايه ارهابى وكمان احنا كشعب مسلم دينا اصلا بيقولنا اتقوا الشبهات فخلاص نتقيها .
يعنى متخليش اى حاجه عندك ينفع يتقال عليها انها متفجرات ما فيش غاز طبيعى وعندك انبوبة بوتجاز بعها واستحمل سنتين او 3 من غير طبيخ لحد ما يدخلوا الغاز خايف من انفجار المصران الاعور ليقولوا عليك ارهابى اعمل عمليه وشيله دا حته ملوش لزمه خايف من مراتك لا يجلها انفجار فى الرحم خليها تستأصله ولو مرضيتش طلقها دا حتى محلاها عيشت الحريه ومتقلقش من انفجار المخ لانك فى الحالة دى حتكون مت او اتشليت لو مت ماحدش حيعرف يعملك حاجه ولو اتشليت حتى لو عملوا مش حتحس .
واحلق دقنك وربى شعرك ولو اقرع اضربلك ايس كاب فوشيه ولو عندك عربيه الزق عليها صورة بنت عريانه واقفه عامله كده واصطاد كل يوم مزه من قدام البوكس ولو مش عاوز تغلط نزلها فى اخر الشارع فى حته ضلمه من غير ما حد يشوفك وافضل قاعد فى العربيه سعتين او تلاته .
ولو مراتك محجبه قلعها الحجاب وخليها تضرب شعرها اصفر وتوقفه اسبايكى على منى جيب وبلوز كات وامشى بيها للقهوة اللى على النصيه وشيشوا مع بعض دا حتى كده حتبقى ست روشه
بس اوعى تاخد بالك من كلام الناس .
عاوز تعلم عيالك الدين والقرآن حقك محدش قلك لاء بس برضه حفظهم اغانى سعد الصغير وخلى بنتك تضرب هاف استومك على مايكرو جيب وتظبتلها بوى فريند والواد يشرب بانجو علشان ماحدش ياخد عليك حاجه .
قلقان من مراقبة التلفونات والشقق ما تتكلمش فى التلفون خايف لا يكونوا حطين كميرات فى اودة النوم عادى جدا خد مراتك واطلع بيها على مرينا على البحر وأعمل اللى انت عاوزه ولو فقير روح راس البر ولا بلطيم مهما مش معقول حيصوروا البحر كمان ولو مش لاقى تاكل خدها وروح تحت كوبرى 6 اكتوبر عند نزلت الزمالك بليل فى الضلمه وما تقلقش من بوليس الادب علشان البوليس مش فاضى يا عم دا وراه 80 مليون حيراقبهم حيفضالك انتى وهى يعنى ولو حتى جه اجرى اهه حتى ترجع لايام الشقاوه وتجددوا حبكم وجايز تاخد شوية برد يقلبوا بنزله معويه ولا سل بس عادى دا قضاء ربنا .
بعد كده مش حتلاقى الا شوية حجات عاديه زى انك لا تكلم سواق التاكسى ولا سواق الميكروباص ولا بتاع الخضار ولا بتاع اللبن ولا الجزار ولا حتى بتاع النور ولا مراتك ولا عيلك ولا ابوك ولا امك ولا تقول لاى حد اى حاجه لاحسنع من بتوع المكافحه ويفهموا كلامك غلط فا متلقيش نفسك .
اقولك على حاجة اسهل اترهبن او هاجر.
لكن فعلا كل ما يحدث الان لا يدل الا اننا شعب بيجى على الهايفه ويتصدر ولا يحاول ان يبذل اى مجهود لمساعدة الحكومه على تصحيح اوضاعه لان بصراحه المواضيع كلها هايفه وسهله ولا تستحق كل الهيصه والاعتراض ده لكننا شعب اعتاد ان يكون بلا قانون ولا حتى يحاول ان يحترمه
26/03/2007
