عشان انا زهقت

عشان انا زهقت ومحدش يسألنى تانى انا واحد كفر بكل القوى السياسيه والاتجاهات والاحزاب والمثقفين داخل مصر من قبل الثوره ب 5 سنين وبعد الثوره هيه هيه نفس الوشوش وحتطلعلنا نفس النظام لو مخدناش بلنا وهما اصلا بالنسبالى الثوره المضاده الحقيقيه انا واحد مؤمن جدا بالشعب ورافض كل اتجاه تانى بيشتغل لمصلحته وبيتلاعب واحد نازل التحرير وهو مع مليون مطلب وضد ان يكون فى مجلس رئاسى او اننا نغير حاجة صوت عليها الناس سواء بالرفض او الايجاب او اننا نجيب نائب عام مشهود له انه ضد النظام السابق مش مشهود له انه شريف لان مش معنى انى ضد النظام معناها انى شريف ما 90% من المعارك قبل الثوره كانت خناقات حراميه وزى ما حنزل بكره زى ما لو المجلس العسكرى اتشال مثلا حنزل ضد القرار أنا واحد مؤمن بتجربه اسلاميه علمت العالم كله يعنى ايه دوله مدنيه من اول ابو بكر ل عمر بن عبد العزيز ودى اكيد غير الدوله بتاعت الاخوان والسلفين والجماعه وتفرق عنها كتير  يا ريت تكون وضحت ياريت