وبعدين

بيان التحرير يا أخى احه حد بس عاقل كده يفهمنى لو المطالب دى كلها اتحففت حيمشوا مثلا ولا حيفضلوا قعدين ويقولوا عوزين نشيل الطنطاوى وبعدين الماده التانيه وبعدين علمانيه ومهلبيه انا عارف انهم حيفضلوا قعدين وحيقولوك احنا حققنا مطالبنا بس ليه ما اتأكدناش من انها اتنفذت وبعدين يعنى ايه تبقى وزارة الدخليه تحت اشراف مدنى وقضائى طيب قضائى فهمها انما مدنى وميكونش اشتغل فى الجيش أو الشرطه دكتور بواسير ينفع ولا مش شغال...وبعدين لما نحل البلد كلها وتبقى بلد منحله من محافظين ومجالس محليه و مديرن صحف وجامعات وبنوك ويبقى ده كله بالانتخاب لحد ما ينحل وننتخب مين حيعمل ايه وايه الجدول الزمنى اللى محتاجه ده كله سنه ونص مثلا طيب ليه ....وعوزين يحكموا المسؤلين امال اللى بيتحكموا دلوقتى ايه ناس بيتعرص عليها مثلا وحبيب العدلى اللى مرمى فى الحجز ده ايه بيتعرص عليه برضه يبقى النيابه معرصه والقضاء معرص يبقى لازم نشيل النائب العام علشان تبع النظام القديم طيب ما الللى حيجى بعده برده تبع النظام ومبارك كان ريس ريسه فرق كبير بين انى اشتغل براحه واطالب بتسريع الاجراءت وان الكلام يتقال كده ..... ومين اداهم حق انهم يطالبوا بحل حزب دا فى انهى بلد ولا علشان خيفيفن منه ولا عدوهم يفرقوا ايه عن النظام ما النظام برده كان بيعمل كده طيب ما اسيب الحزب واوجهه بفكرى وهوا خسران كل حاجه ونبقى قمة الديمقراطيه... وقمة الجهل لما تسأل واحد عن شفيق يقولك يمشى علشان مبارك اللى جيبه مع ان شفيق اصلا عامل نصايب تسجنه 50 سنه فى مصر للطيران.... الافراج الفورى عن جميع المعتقلين بما فيهم ما قبل 25 يناير ...... طيب تعرفوا ايه عن المعتقلين اللى قبل 25 أحنا كنا فى دوله بوليسيه زى ما كان بيظلم ناس ويعتقلها كان برده فى ناس لازم تعتقل ايه اهدافك لما تفرج عنها وليه ميكونش المطلب اعادة فلتره بدل ما نلاقى نص بتوع التكفير والهجره رجعوا تانى .... على فكره الكلام ده فى منه كتير لازم يتحقق بس لا بالاسلوب ده ولا بالنظام ده ولا بالسرعه دى ولا بالطريقه دى ولا عمر البلد ما حتمشى وهما كده ..... كل حاجه فى البلد كانت وسخه وزباله لكن اللى بيحصل ده تهريج وعلى قد ما حيحقق حيخسر وحيخسر اكتر بكتير ...... البلد دى لا كنت بلد ابو مبارك ولا بقت بلد ابوهم وزى ما كنت بشتم فى النظام حشتم فيهم لانهم ميفرقوش كتير عن بعض وبعدين ممكن حد منهم يقولى مين هما وايه السى فى بتاعهم ولا كل شوية ناس يروحوا يقعدوا فى التحريريطلعوا بيان ويبقى اسمهم ثورة التحرير ولا ايه بالضبط ما احنا المفروض نعرف ولا نمشى زى الهبل ورا اى حاجه مش عجبانه وخلاص فى حجات كتير غلط لكن الاصلاح كمان مش كده دا بقى عك بالتاكيد فى الاخر حجات كتير قوى حتتصلح لكن الفرق بخساره قد ايه على الناس والبلد .... مش حبقى مجنون لما اقول ان فى ناس كل هدفهم ان يحصل احتكاك بين الشعب والجيش حاليا وان الجيش يفضل ماسك البلد لاكتر من سنه ونص لاهداف خاصه ... ومش حبقى مجنون ان البلد مندفعه جدا ومعاهم حق اهم حاجه فى نظام مبارك انه عيش الناس 30 سنه من حقها تشتم لكن مش منحقها انها تفكر .... ولحد دلوقتى لسه الاندفاع هو اللى حاكم ومتعلمناش امتى نقف ونفكر

على فكرة الكلام ده مكتوب قبل استقالة شفيق بساعات